مــنــتــديــات العـــــويــــرضـــــي

مــنــتــديــات العـــــويــــرضـــــي

نلتقي لنرتقي
 
الرئيسيةالبوابةالتسجيلدخول

شاطر | 
 

 حنا بنات الوطن

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
* تالا *
عضو نشيط
عضو نشيط
avatar

انثى عدد الرسائل : 217
العمر : 27
العمل/الترفيه : طالبة
المزاج : مدري
تاريخ التسجيل : 11/06/2008

مُساهمةموضوع: حنا بنات الوطن   الأربعاء يونيو 18, 2008 7:57 am

للاستماع للقصيدة بصوت عمر المنسلح

للتحميل




كلمات القصيدة


حنّا بنات الوطن وشموع ديجوره


= وحناّ بنات الوطن وأحلى سعوديه


منابت المجد وأصل المجد والصوره


= مرابط العز وسبوق النداويه


منابت الملح وأصل الورد وزهوره


= مكاسر العود والنفحه سماويه


عذبات الانفاس وأغلى المسك وعطوره


= نفحات الاشجان والنسمه ربيعيه


فوح الخزامى بروض ٍ قيل ممطوره


= قدِ علّها مع بكور الوسم وسميه


حنّا بنات الوطن سكناه وخدوره


= حنّا بنات الوطن والثقل ماريّه


ياللي تعذرب بنا يمناك مكسوره


= ماكن فينا لك أم وبنت وأخيه


أفكارك السود مشبوهه ومبتوره


= وعلومك العوج ملفوفه وملويه


تلف وإلا تزيد اللف لك دوره


= العلم بالهون والحاجات مقضيه


خذها على نور والرايات منشوره


= بالعدل والميز مكتوبه ومقريه


خذها وباقي بها وقفات مذخوره


= تجيك من فوق وإن حبيّت رديه


بنت الوطن ياضعيف الرأي مذكوره


= بالخير والطيب مذكوره سنافيه


من أول الوقت يالمسكين مشهوره


= بالفكر وأحلى التواصيف النسائيه


بنت الوطن ياقصير الشوف معموره


= بالعطف واللين وتزيده بحنيه


إن كان بالكون قالوا عينه وحوره


= بنت الوطن من عظيم الشان حوريه


بنت الوطن من جمال الخلق مستوره


= الطبع هادي ووقت الجد جديّه


ممكن تقوّم بوجه المعتدي ثوره


= والأصل تكوينها ثابت حياويه


شيهانة اللحظ بنت الريح منثوره


= ملمومة الخصر بنت الذيب ريميه


يعني حجازية العينين مخبوره


= نجدية الخصر واللمحه خليجيه


ريحانة الفل بأرض الفل مبذوره


= يعني عسير وعبير أحلى عسيريه


وقاّدة الحس بالاشواق دكتوره


= يضيق صدر الزمن تبقى شماليه


تكتب حروف الوفا وتسّن دستوره


= بحروفها إخلاص وإن حبّت هواويه


يعني هي الجو مع بيداك وبحوره


= من رأسها للقدم بالزين مكسيه


سمعت ياللي حسبته لعبة الكوره


= بعض السواليف لا سقته عماويه


لا ضيّع الدرب مثلك وأخلف شعوره


= ندلّه الدرب والاعمال بالنيه


ياخاوي الفكر والعدلات مقبوره


= في صدرك اللي لبس بلواه صدريه


مغرور مغرور مثلك ناس مغروره


= بمركب النقص والاوهام مبليه


منادمين الخطا ملفاه وطيوره


= الفكر خياّل والساحه خياليه


من الحماقه لبسك الكبر وشروره


= والحمق رمح الردى وحدود هنديه


تسكن زواياك والطرقات مهجوره


= ياغراب خل الحمام إنسى خطاويه


لو تفرد الريش يالطاووس مأثوره


= عواقب الكبر يالمغرور سلبيه


ياسيّد الغطرسه ياقاصر شبوره


= ياعاشق الذات عشق الذات نفسيه


سمعت رد الاصيله وإفهم سطوره


= بسيط منساب والاوزان شعبيه


وإسلك طريق الهدايه وإحفظ السوره


= السوره اللي على المعنى ومكيه


وإن كان نفسك على الشينات مجبوره


= والنار ياميّت النيران مطفيه


أجيك أنا بنت هالديره ومأجوره


= وتشوف بنت الوطن والجمره الحيه


أجيك وتشوف بنت السبع مسعوره


= وأخرك معروف والدعوى طبيعيه


الوقت معروف في زنات دبوره


= يخرّب العش وهو العش راعيّه


ماهي بشرَبه من الغوري وشابوره


= بعض الحكاوي وفيه حدود محميه


خذها ولا أقول لا رديّت مشكوره


= من واجبي لا دفعت الشر والسيّه


بأول خطوط الدفاع وراس طابوره


= أصد وأرد والصدّه هجوميه


خذها وأنا بنت قوم المجد وحضوره


= مني وأنا من بنات الدار نجديه


من نجد ماجيت أنا المغرب وناطوره


= وماجيت حد اليمن ما كنت مصريه


خذها وأنا ماعرف الحمراء ولا شتوره


= ولا جيت عماّن وإلا كنت شاميه


ولا نيب من بابل النهرين وآشوره


= وإلا بعد من بنات الشرق شرقيه


خذها وأنا من عظيم الشان منصوره


= من نجد ماقول أنا شقراء وغربيه


أعيّد العيد ما عوشر بعاشوره


= الدين الاسلام والمنهاج سنيه


خذها ونفسي على المسفار مأموره


= والنفس معروف مأموره ومنهيه


ماقلتها من غضب بالوقت مقهوره


= على الملا وإن بغيت السلم سلميه


خذها وأنا بنت روس الطيب وصقوره


الجد قحطان والمنشأ قصيميه


منقوووووولة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أبو ناصر
المدير العام
المدير العام
avatar

ذكر عدد الرسائل : 1301
العمر : 26
العمل/الترفيه : طالب
المزاج : مستااااااانس
تاريخ التسجيل : 09/06/2008

مُساهمةموضوع: رد: حنا بنات الوطن   الخميس يونيو 19, 2008 2:37 am

مشكورة على القصيدة

_________________
وأخيراً وبعد جهد جهيد

العطلة جت جعلي فيها دوم سعيد



واثق الخطوة يمشي ملكاً
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بنت أبوهـــا
مشرفة منتدى الصوتيات والمرئيات
مشرفة منتدى الصوتيات والمرئيات
avatar

انثى عدد الرسائل : 493
المزاج : مدري وشو!!
تاريخ التسجيل : 10/06/2008

مُساهمةموضوع: رد: حنا بنات الوطن   الخميس يونيو 19, 2008 8:58 pm

صح لساااااااااااااااانه...


يعطيك العافيه تالا على النقله الحلوه,,

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مياسن
مشرفة منتدى الصور
مشرفة منتدى الصور
avatar

انثى عدد الرسائل : 898
العمر : 30
الموقع : في قلب من أحب
المزاج : الحمد لله على كل حال
تاريخ التسجيل : 10/06/2008

مُساهمةموضوع: رد: حنا بنات الوطن   الجمعة يونيو 20, 2008 2:24 am

يعطيك العافية تالا

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
* تالا *
عضو نشيط
عضو نشيط
avatar

انثى عدد الرسائل : 217
العمر : 27
العمل/الترفيه : طالبة
المزاج : مدري
تاريخ التسجيل : 11/06/2008

مُساهمةموضوع: رد: حنا بنات الوطن   الجمعة يونيو 20, 2008 10:07 am

مشكور ابو ناصر عالمرور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
* تالا *
عضو نشيط
عضو نشيط
avatar

انثى عدد الرسائل : 217
العمر : 27
العمل/الترفيه : طالبة
المزاج : مدري
تاريخ التسجيل : 11/06/2008

مُساهمةموضوع: رد: حنا بنات الوطن   الجمعة يونيو 20, 2008 10:08 am

بنت ابوها
مياسن

مشكورين على مروركم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
تِـوأمِ ٍابًراهَـَِيــم
مشرفة منتدى الحاسب والاتصالات
مشرفة منتدى الحاسب والاتصالات
avatar

انثى عدد الرسائل : 395
تاريخ التسجيل : 10/06/2008

مُساهمةموضوع: رد: حنا بنات الوطن   الأحد يونيو 22, 2008 3:59 am

الللللللللللللله


صح لسان قايلها


وصح لسان ناقلها


..............

_________________



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
* تالا *
عضو نشيط
عضو نشيط
avatar

انثى عدد الرسائل : 217
العمر : 27
العمل/الترفيه : طالبة
المزاج : مدري
تاريخ التسجيل : 11/06/2008

مُساهمةموضوع: رد: حنا بنات الوطن   الإثنين يونيو 23, 2008 11:24 am

صح بدنك
مشكووووره عالمرور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حنا بنات الوطن
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مــنــتــديــات العـــــويــــرضـــــي  :: ████▓▒░Ξالمنتديات الأدبيةΞ░░▒▓████ :: منتدى الشعر والشعراء-
انتقل الى: