مــنــتــديــات العـــــويــــرضـــــي

مــنــتــديــات العـــــويــــرضـــــي

نلتقي لنرتقي
 
الرئيسيةالبوابةالتسجيلدخول

شاطر | 
 

 وش التضخم علموني ؟

اذهب الى الأسفل 
كاتب الموضوعرسالة
صلاح العويرضي
عضو نشيط
عضو نشيط
avatar

ذكر عدد الرسائل : 200
العمر : 40
تاريخ التسجيل : 09/06/2008

مُساهمةموضوع: وش التضخم علموني ؟   السبت يونيو 28, 2008 8:58 am





كثير نسمع عن التضخم وخصوصاً في السنة الأخيرة بسبب ارتفاع الأسعار .. وش رايكم أعطيكم تعريف مبسط للتضخم ؟؟ .. موافقين ؟

أوكي يالله بينا

الحين كل دولة لها قوة اقتصادية .. والقوة الاقتصادية تتمثل في :

أولا : البنية التحتية : وتعني الأدوات اللازمة للتطور الاقتصادي مثل توفر الكهرباء والماء والخدمات المختلفة مثل البنوك والصرافة الهاتف والانترنت والجوال والصرف

الصحي والبريد والإعلام القوي " التلفزيون والصحافة " والاستقرار السياسي والأمني والاجتماعي والتعليم العام والعالي المتطور والمدن الصناعية وامتلاك التكنولوجيا .

ثانياً : الأنطمة والقوانين الاقتصادية المناسبة التي تلائم السرعة والمتانة القانونية لحماية المشاريع الاقتصادية وتوفير البيئة الاقتصادية .

ثالثاً : نظام القضاء العادل الذي يوفر تحاكماً عادلاً في حال نشوء نزاعات تجارية أو جنائية أو حقوقية .

رابعاً : العلاقات الدولية المتينة وثقة المجتمع الدولي بالبيئة الاستثمارية في البلد المعني .

خامسا : القدرة الإنتاجية حيث يكون مواطنو الدولة ومؤسساتها قادرون على الانتاجية والابداع .

سادساً : القوة البشرية : يعني يكون عدد السكان مناسب وفيه أيدي عاملة .

طبعاً كل اللي قلته من واحد لين سته يشكل معنى القوة الاقتصادية

ندخل نقطة ثانية : زمان كانوا الناس يشترون ويبيعون بالتبادل يعني تبادل البضائع والمنافع .. مثل الأرز مقابل الشعير أو اللبن مقابل الزيت

وتطوروا الناس شوي وصار الذهب والفضة هما العملات الرئيسية مقابل أي بضائع أو منافع وصار الناس يشترون بالذهب والفضة أي شي

مثل الغذاء واللبس والمنازل والمزارع والخيول والحمير .. وغيرها .. وصار اللي عنده أكبر كمية من الذهب والفضة يعتبر هو التاجر لأنه
يقدر يشتري اللي يبغاه . lol!

سؤال وجيه : لو تاجر يبغى يشتري شي غالي جداً مثل مزرعه كبيرة أو قصر كبير أو يبي يسافر من بلد لبلد ، كيف يشيل معه آلاف الكيلوات من الذهب

والفضة ؟؟.. طبعاً يبغى لها أدوات نقل مثل الجمال والخيول والحمير وغيرها .. بس هذي متعبة وتكلفتها غالية ، وش يزحجلها ؟ فـ وش سوو الناس ؟؟

صار بعض الدول يسكون العملة مثل ريال حديد ولا الهللات والقروش .. بس من زمان طبعاً ، فعندنا صار جنيه الذهب واللي إلى الآن الناس تعرفه وتعرف قيمته

فصار جنيه الذهب مقدر بقيمة معينة من أي بضاعة معروفة ويقدرها الحاكم أو التجار . بس برضو جنيهات الذهب ثقيلة ومتعبة في شيلها وحطها ..

هنا جا اختراع العملة الورقية .. في أمريكا .. بس أول دولة استخدمتها هي بريطانيا في بداية الحرب العالمية الأولى 1914م .

هنا حطو بدال الجنيه الذهب ورقه سموها الجنيه .. وفي بريطانيا يسمونها الجنيه الاسترليني .. وتبعتها باقي الدول .

وطبعا فيه بنك دولي بسويسرا زمان كانت الدول تحط فيه ذهبها عشان تبين متانة اقتصادها وتجي البنوك السويسرية تقدر حجم الذهب وتقدر مقابله من العملة الورقية

وتطورت الدنيا وصارت كل دولة تطبع لتفسها .. هنا كلكم تسألون أجل خل الحكومة تطبع فلوس أمهات خمسمية وتوزعها على الناس ؟ صح ؟ خخخخخ cheers خخخخ

أقول حامض على بوزكم tongue .. ليش طيب ؟ لأن مع التطور تطورت مقاييس الاقتصاد .. وماعاد هي زي أول .. وصار فيه منظمات دولية اقتصادية cyclops تراقب أي دولة اقتصادياً

يعني مهوب كل ما بغت الدولة تطبع على كيفها .. لا .. هي تقدر تطبع .. بس لأن فيه منظمات تراقب لازم تكون الفلوس المطبوعة تعادل قوة الاقتصاد اللي عددنا عناصره قبل

ببساطة لازم كمية الفلوس الورقية المطبوعة تعادل القوة الاقتصادية ..للدولة

طيب إذا صارت كمية الفلوس أقل من القوة الاقتصادية وش يصير ؟

هنا يصير معدل التضخم بالسالب و ترخص البضائع كثير لأن مافيه أحد يشتري لأن مافيه فلوس وتسكر المصانع ويتسرح العمال والموظفين لأن مافيه فلوس تكفي .

طيب إذا صارت كمية الفلوس المطبوعة أكثر من القوة الاقتصادية ..وش يصير ؟

طبعاً هنا تكثر الفلوس بيد الناس وتصير الفلوس أكثر من المعروض من البضائع وأكثر من قيمة الاقتصاد اللي فيه المصانع وغيرها .. وش يصير ؟

تقل قيمة العملة مقابل العملات الثانية والبيبسي بدال ماهو بريال يصير بريالين ويغلا الرز والدجاج والشعير والطحينية والجبن السايل خاصة كرافت أمممم

وتغلا السيارات والأجهزة الكهربائية وأي شي يمكن يغلا وخصوصاً الأشياء المستوردة .

نقول إذا زادت كمية الفلوس المطبوعة بكمية كبيرة عن قيمة الاقتصاد الحقيقية وتصير النتيجة بالموجب نقول فيه تضخم .

وطبعاً لازم تكون الفلوس المطبوعة أكثر من قيمة الاقتصاد في أي دولة بس .. أكثر بكم ؟؟

إذا صارت في حدود من صفر إلى 3% فالمسألة عادية بس لا يتعداها .

أما إذا ارتفعت أكثر فالله يعين الناس على الغلاء والطفرة زي الحين .

زادوا الرواتب وزادت الأسعار ليش ؟ لأن الزيادة في الكمية المعروضة من الفلوس المطبوعة وبس .. بدون زيادة مهمة في قيمة الاقتصاد الفعلية .

طيب الآن .. التضخم في السعودية وصل 10% affraid يعني ترى قيمة الاقتصاد السعودي أقل من المعروض النقدي " الفلوس المطبوعة " بعشرة في المية . affraid

عشان كذا الدولة مركزة الحين على بناء المدن الاقتصادية والمصانع وتنويع الصناعات والمنتجات والاستثمار في الخارج عشان تصير قيمة الاقتصاد

قريبة من المعروض النقدي " الفلوس المطبوعة " وبكذا يقل التضخم ووقتها لو زادوا الرواتب ما تزيد الأسعار Smile .

أتمنى وصلت المعلومة .. أنا حبيت أكتبها كذا عشان كل واحد يفهم على حسب مستواه العلمي والعقلي والعويرضي ..

يالله برب .. أشوفكم على خير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أبو ناصر
المدير العام
المدير العام
avatar

ذكر عدد الرسائل : 1301
العمر : 26
العمل/الترفيه : طالب
المزاج : مستااااااانس
تاريخ التسجيل : 09/06/2008

مُساهمةموضوع: رد: وش التضخم علموني ؟   السبت يونيو 28, 2008 4:36 pm

جزاك الله خير

_________________
وأخيراً وبعد جهد جهيد

العطلة جت جعلي فيها دوم سعيد



واثق الخطوة يمشي ملكاً
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
*دانــــه*
عضو نشيط
عضو نشيط
avatar

انثى عدد الرسائل : 383
العمر : 29
العمل/الترفيه : طالبه
المزاج : الحمـــد لك ياااارب...
تاريخ التسجيل : 18/06/2008

مُساهمةموضوع: رد: وش التضخم علموني ؟   السبت يونيو 28, 2008 5:25 pm

يعطيك العافيه صلاح..
بس اعجبتني وش بيزحجلهاخخخخخخخخ
اما لو انا نطبع على كيفنا ماحسينا بقيمة الفلوس..خخخخ

والله موضوع في وقته خصوصآانا ها الايام نعااااني
من ها السالفه انتبهو كل شي غالي ومدري ايش..
والسفر اذا جبنا سيرته وشو له كل شي غلا وشقق مكه غاليه عشان اللي صاير في مكه>>بس ان شااااء بنروح خخخخ

وذا الرز اللي صار سالفه يوم غلا..بصراحه مايتضرر الا اللي راتبه على قده..اجل اذا صار الراتب قليل وشرا كيس رز بــ300 والسكر مدري بكم والجبن على قولتك غالي بعد والبيض غالي..با الله كم بيرجع للبيت به مسكين؟؟!!
هذا وباقي الفواتير مابعد جاها الدور!!وصرف العيال..
خصوصآ ان اللي رواتبهم قليله 1800 و 200 و 2500
كثرو ها الايام..

الله بس يصبر كل اللي على قد حالهم..
والله يفتح ابواب رزقه الحلال للجميع..

موضوع حلو يسلمووو صلاح..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
صلاح العويرضي
عضو نشيط
عضو نشيط
avatar

ذكر عدد الرسائل : 200
العمر : 40
تاريخ التسجيل : 09/06/2008

مُساهمةموضوع: رد: وش التضخم علموني ؟   السبت يونيو 28, 2008 6:24 pm

بو ناصر شكرا للمرور

داااانة .. زحجل يزحجل فهو مزحجل

صدقيني محتاجين شوية ثقافة اقتصادية

شكرا لك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مياسن
مشرفة منتدى الصور
مشرفة منتدى الصور
avatar

انثى عدد الرسائل : 898
العمر : 31
الموقع : في قلب من أحب
المزاج : الحمد لله على كل حال
تاريخ التسجيل : 10/06/2008

مُساهمةموضوع: رد: وش التضخم علموني ؟   السبت يونيو 28, 2008 7:04 pm

يعطيك العافية صلاح على التوضيح

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عويرضية
مشرفة المنتدى العام
avatar

انثى عدد الرسائل : 338
العمر : 26
العمل/الترفيه : طالبتون مجدتون
المزاج : مبسوطة دايم والحمدلله
تاريخ التسجيل : 10/06/2008

مُساهمةموضوع: رد: وش التضخم علموني ؟   السبت يونيو 28, 2008 11:16 pm

يعطيك العافية على الموضوع

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
صلاح العويرضي
عضو نشيط
عضو نشيط
avatar

ذكر عدد الرسائل : 200
العمر : 40
تاريخ التسجيل : 09/06/2008

مُساهمةموضوع: رد: وش التضخم علموني ؟   الإثنين يونيو 30, 2008 4:43 am

شكرا عويرضية على المرور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
وش التضخم علموني ؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مــنــتــديــات العـــــويــــرضـــــي  :: ████▓▒░Ξ المنتديات العامةΞ░░▒▓████ :: المنتدى العام-
انتقل الى: